ടാങ്കർ ഡ്രൈവറെയും സഹായിയേയും ആക്രമിച്ച 10 പേർക്കെതിരെ കേസ്

കണ്ണൂർ .മാലിന്യം നിറച്ച ടാങ്കർ ലോറിയെ ബുള്ളറ്റിലും സ്കൂട്ടിയിലും പിൻതുടർന്ന് ഡ്രൈവറേയും സഹായിയേയും മര കഷണം കൊണ്ടുംഇരുമ്പ് വടികൊണ്ടും അടിക്കുകയും തടഞ്ഞുവെച്ച് ഭീഷണിപ്പെടുത്തുകയും വാഹനം അടിച്ചു തകർക്കുകയും ചെയ്തുവെന്ന പരാതിയിൽ 10 പേർക്കെതിരെ ടൗൺ പോലീസ് കേസെടുത്തു. ഡ്രൈവർ ചപ്പാരപ്പടവിലെ സി.ജബ്ബാറിനെ (46)യും സുഹൃത്ത് ശ്രീജിത്തിനേയുമാണ് സംഘം ആക്രമിച്ചത്.20ന് രാത്രി 8.25 മണിക്ക് പള്ളിക്കുന്ന് ചെട്ടിപ്പീടിക എം ആർ എ ബേക്കറിക്ക് സമീപം വെച്ചാണ് സംഭവം. ഇരുവരേയും ആക്രമിച്ച സംഘംവാഹനം അടിച്ചു തകർത്ത് 7000 രൂപയുടെ നാശനഷ്ടം വരുത്തുകയും ചെയ്തുവെന്ന പരാതിയിൽ കേസെടുത്ത പോലീസ് അന്വേഷണം തുടങ്ങി.