മയ്യിൽ എ.എൽപി സ്കൂൾ വിജയോത്സവം സംഘടിപ്പിച്ചു. കലാകായിക ശാസ്ത്ര ഗണിതശാസ്ത്ര സാമൂഹ്യശാസ്ത്ര പ്രവർത്തിപരിജയ മേളകളിൽ ഒന്ന് രണ്ട് മൂന്ന് സ്ഥാനം നേടിയ കുട്ടികളെ ചടങ്ങിൽ അനുമോദിച്ചു. ജില്ലാ പഞ്ചായത്ത് വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്സൺ അഡ്വക്കേറ്റ് കെ കെ രത്നകുമാരി പരിപാടി ഉദ്ഘാടനം ചെയ്തു. എൽഎസ്എസ് പുനർമൂല്യനിർണയത്തിൽ സ്കോളർഷിപ്പ് നേടിയ വിദ്യാർത്ഥികളെയും ഗുരു നിത്യചൈതന്യയതി മികച്ച സംരംഭകനുള്ള സംരംഭകശ്രീ പുരസ്കാര ജേതാവും മുൻ പി ടീ എ പ്രസിഡൻ്റുമായ ബാബു പണ്ണേരിയെയും ചടങ്ങിൽ ആദരിച്ചു .മയ്യിൽ ഗ്രാമ പഞ്ചായത്ത് വാർഡ് മെമ്പർ ഇ എം സുരേഷ് ബാബുവിൻ്റെ അധ്യക്ഷതയിൽ വച്ച് നടന്ന ചടങ്ങിൽ തളിപ്പറമ്പ് സൗത്ത് ഉപജില്ല എ ഇ ഒ ജാൻസി ജോൺ അനുമോദനം നടത്തി.ചടങ്ങിൽ അനിൽ സി, ഷീന എം, ലിജി പി വി ,തുടങ്ങിയവർ സംസാരിച്ചു.മയ്യിൽ എ ൽ പി സ്കൂൾ ഹെഡ് മാസ്റ്റർ സുനീഷ് ഇ കെ സ്വാഗതവും പി ടീ എ പ്രസിഡൻ്റ് ഷൈജു എം നന്ദിയും പറഞ്ഞു.
മയ്യിൽ എ.എൽപി സ്കൂൾ വിജയോത്സവം സംഘടിപ്പിച്ചു.
