യുവാവിനെ വധിക്കാൻ ശ്രമം സഹോദരങ്ങൾ അറസ്റ്റിൽ

കണ്ണൂർ. വീടിൻ്റെ ഷെയർ മാതാവിനോട് ചോദിച്ച വിരോധത്തിൽ യുവാവിനെ കത്തികൊണ്ട് വെട്ടി കൊല്ലാൻ ശ്രമിച്ച സഹോദരങ്ങൾ അറസ്റ്റിൽ. കക്കാട് കെ. എം. ഹൗസിലെ
ഫായിസ് (24) ,സഹോദരൻസൽമാൻ (23) എന്നിവരെയാണ് ടൗൺ പോലീസ് അറസ്റ്റു ചെയ്തത്.
കഴിഞ്ഞ ദിവസം പുലർച്ചെയാണ് പരാതിക്കാസ്പദമായ സംഭവം. സഹോദരൻ കക്കാട് കെ.എം ഹൗസിലെ മുഹമ്മദ് ജുമ (26)യെയാണ് ആക്രമിച്ചത്.കക്കാട്ടെ വീടിൻ്റെ അടുക്കള വശം വെച്ച് പരാതിക്കാരൻ മാതാവിനോട് വീടിൻ്റെ ഷെയർ ചോദിച്ചതിനുള്ള വിരോധം വെച്ച് സഹോദരനായ ഒന്നാം പ്രതി പിറകിൽ നിന്നും കഴുത്തിന് കുത്തിപ്പിടിച്ച് തടഞ്ഞുവെക്കുകയും രണ്ടാം പ്രതി കഴുത്തിന് നേരെ കത്തി കൊണ്ട് വീശിയതിൽ വലതു കൈ ക്ക് വെട്ടേൽക്കുകയും കഴുത്തിന് നേരെ കത്തി വീശിയതിൽ ഒഴിഞ്ഞു മാറിയെങ്കിലും കഴുത്തിന് മുറിവേൽക്കുകയും മരണം വരെ സംഭവിക്കുമായിരുന്നുവെന്നു പരാതിയിൽ കേസെടുത്ത പോലീസ് വധശ്രമത്തിന് കേസെടുത്ത് പ്രതികളെ അറസ്റ്റുചെയ്യുകയായിരുന്നു. കോടതിയിൽ ഹാജരാക്കിയ പ്രതികളെ റിമാൻ്റ് ചെയ്തു.