കണ്ണാടിപ്പറമ്പ്:
2024ലെ ശിശുദിന സ്റ്റാമ്പ് രൂപകല്പന ചെയ്ത ജിഎച്ച്എസ്എസ് കണ്ണാടിപ്പറമ്പിലെ എട്ടാംതരം വിദ്യാർത്ഥിനിയായ കുമാരി തന്മയ.വി യെ സ്കൂൾ സ്റ്റാഫ് കൗൺസിലും പിടിഎയും സംയുക്തമായി സ്കൂൾ അസംബ്ലിയിൽ വച്ച് അനുമോദിച്ചു.അഴീക്കോട് എംഎൽഎ ശ്രീ കെ വി സുമേഷ് വിദ്യാർത്ഥികളുടെ നിറഞ്ഞ സാന്നിധ്യ ത്തിൽ ഉപഹാര സമർപ്പണവും ക്യാഷ് അവാർഡും നൽകി.പ്രസ്തുത ചടങ്ങിൽ നാറാത്ത് പഞ്ചായത്ത് പ്രസിഡണ്ട് ശ്രീ കെ രമേശൻ അധ്യക്ഷത വഹിച്ചു. പ്രിൻസിപ്പൽ.വി സാവിത്രി ടീച്ചർ സ്വാഗതഭാഷണം നടത്തി.ജില്ലാ പഞ്ചായത്ത് മെമ്പർ ശ്രീമതി കെ.താഹിറ, പി.ടി.എ പ്രസിഡൻ്റ് ശ്രീ . സി.എൻ. അബ്ദുൾ റഹ്മാൻതുടങ്ങിയവർ സംസാരിച്ചു. ഹെഡ്മിസ്ട്രസ് ശ്രീമതി.പി.പി ഇന്ദിര ടീച്ചർ നന്ദിപറഞ്ഞു.
