തെരുവ് നായ്ക്കളുടെ വിളയാട്ടം, അത്താഴക്കുന്ന് ഭാഗങ്ങളിൽ നിരവധി പേർക്ക് നായയുടെ കടിയേറ്റു

കക്കാട്: തെരുവ് നായ്ക്കളുടെ വിളയാട്ടം, അത്താഴക്കുന്ന് ഭാഗങ്ങളിൽ നിരവധി പേർക്ക് നായയുടെ കടിയേറ്റു.
അത്താഴക്കുന്ന്, കല്ല് കെട്ട് ചിറ പ്രദേശങ്ങളിൽ ഇന്ന് വൈകുന്നേര ത്തോടെ നിരവധി പേർക്ക് തെരുവ് നായയുടെ കടിയേറ്റു. ഇതിൽ വിദ്യാർത്ഥികൾക്കും കടിയേറ്റതായി അറിഞ്ഞു.
അഫ്സത്ത്, റംലത്ത്, മൈമൂന
എന്നിവരെ പരിയാരം മെഡിക്കൽ കോളേജ്
ആശുപത്രിയിലും മഹമൂദ്, സാബിത്ത്
എന്നിവരെജില്ലാ ആ
ശുപത്രിയിലും പ്രവേശിപ്പിച്ചു
ഈപ്രദേശങ്ങളിൽ
പണി തീരാത്ത വീടുകളിലാണ് തെരുവ് നായ്ക്കൾ താവളമാക്കിയിരിക്കുന്നത് . പലരുടെയും പരുക്ക് മുഖത്താണ് .
കഴിഞ്ഞ വർഷവും ഇതേ സമയം ഈ പരിസര പ്രദേശങ്ങളിൽ നാൽപ്പതോളം പേരെ തെരുവ് നായ ആക്രമിച്ച് കടിച്ചിരുന്നു. അന്ന് നാട്ടുകാർ തന്നെ നായയെ അടിച്ച് കൊല്ലുകയായിരുന്നു.